ඌව පළාතේ බදුල්ල දිස්ත්‍රීක්කයේ  මහියංගන  ප්‍රාදේශිය ලේකම් කොට්ඨාසයේ මිල්ලැත්තෑව ග්‍රාම සේවා වසමට අයත්  අප පාසල  ප්‍රදේශයේ  කැපී පෙනෙන පාසලක් බවට පත්ව ඇත.වසර 40ක්  වැනි  ඉතිහාසයක් සතු අප පාසල මේ වන විට දහස් සංඛ්‍යාත දරුවන්ගේ  දෑස් පාදා ඇත. දිනෙන් දින දියුණු වන මෙම විදුහලේ ප්‍රාථමික අංශය මෙන්ම ද්විතියීක අංශය ද ඉගැන්වීම්  කටයුතු සාර්ථකව සිදු කිරීමට  ගුරු මණ්ඩලයේ  සෑම දෙනාම කැප වී කටයුතු කරයි.එවැනි පාසලක සේවය කිරීමට ලැබීම මා ලද භාග්‍යකි. එහි ප්‍රතිඵලයක්  ලෙස  සෑම වසරකම ශිෂ්‍යත්ව හා අ.පො.ස සාමාන්‍ය පෙළ විභාගයෙන් ඉහළ ප්‍රතිඵලයක් ලබා ගැනීමට  දරුවන්ට හැකියාව ලැබී ඇත.අධ්‍යාපනයෙන් වගේම තාක්ෂණයෙන්ද ඉදිරියට යාමට හා අප පාසලේ නාමය මුළු විශ්වයටම රැගෙන යාමට මෙම වෙබ් අඩවිය පිටුවහලක් වේ යැයි මා සිතමි.එසේම මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

නි.විදුහල්පති,

මිල්ලැත්තෑව  මහා විද්‍යාලය